23 საათიანი მუშაობა ერთი დამუხტვით: ახალი დამუხტვადი ბატარეები SONNET 3-ისთვის

ღამის ათი საათია. გარეთ ბნელა. ბავშვები უკვე სძინავთ. ტელევიზორი ჩართულია და თქვენ თვალები გეხუჭებათ. მაგრამ თქვენი აუდიოპროცესორი კვლავ შეუფერხებლად მუშაობს.

სწორედ ეს არის ახალი დამუხტვადი ბატარეის — Standard Pro — მთავარი იდეა: ერთხელ დატენეთ, დაიმაგრეთ და ის იმუშავებს ღრმა საღამომდე. ისე… თუ უცებ ენერგია მოგემატათ და მისაღების დალაგება გადაწყვიტეთ.

გაინტერესებთ დეტალები? ქვემოთ იხილავთ ბატარეის ხანგრძლივობას, ზომას და სხვა ინფორმაციას.

რამდენ ხანს ძლებს ბატარეა?

დამუხტვადი ბატარეა Standard Pro SONNET 3-ს ამუშავებს ერთ დამუხტვაზე მაქსიმუმ 23 საათის განმავლობაში — რაც ყველაზე ხანგრძლივი დროა მსგავსი ტიპის ყურს უკან სატარებელი (BTE) აუდიოპროცესორებისთვის.

ასევე ხელმისაწვდომია პატარა ბატარეა Micro Pro, რომელიც ერთ დამუხტვაზე მუშაობს 12 საათამდე.

რა ზომის არის SONNET 3 ახალი ბატარეებით?

Standard Pro ბატარეით SONNET 3-ის სიგრძეა 53 მმ, რაც დაახლოებით ტოლია სტანდარტული ბატარეის საფარის ზომისა (ერთჯერადი ბატარეებისთვის). ამიტომ იგი ძალიან კომფორტულად თავსდება ყურის უკან.

თუ უფრო მცირე ზომას ეძებთ, Micro Pro მხოლოდ 41.6 მმ-ია. ეს SONNET 3-ს აქცევს ყველაზე პატარა აუდიოპროცესორად და განსაკუთრებით მოსახერხებელია ბავშვებისთვის.

როგორ დავტენოთ?

დატენვა უფრო მარტივია, ვიდრე ოდესმე:

• მოხსენით ბატარეის საფარი

• ჩადეთ ბატარეა დამტენში — ის მარტივად ჯდება თავის ადგილას

• მსუბუქი „კლიკი“ გაცნობებთ, რომ სწორად არის მოთავსებული

აუდიოპროცესორის მოხსნა საჭირო არ არის, ხოლო კოჭისთვის (coil) სპეციალური ადგილი უზრუნველყოფს მის სტაბილურ დაფიქსირებას.

ორივე ბატარეა — Standard Pro და Micro Pro — სრულად იტენება დაახლოებით 3 საათში.

დამტენი მუშაობს ნებისმიერ CE-სერტიფიცირებულ USB-C კაბელთან, მაგალითად, ტელეფონის დამტენთან.

როგორ გამოვიყენოთ ახალი ბატარეები?

ახალ ბატარეებს დამატებითი ადაპტერი არ სჭირდება. უბრალოდ:

• მიამაგრეთ ბატარეა აუდიოპროცესორზე

• გადააფარეთ საფარი

თავსებადია თუ არა SONNET 2-თან?

დიახ! ორივე ბატარეა მუშაობს SONNET 2-თანაც:

• Standard Pro — მუშაობა 20 საათამდე

• Micro Pro — მუშაობა 11 საათამდე

როგორ შევიძინოთ?

ახალი ბატარეების შესაძენად დაუკავშირდით თქვენს ადგილობრივ MED-EL წარმომადგენლობას.