სალომე დაღუნდარიძე ფესტივალზე ,,Beats of Cochlea”

სალომე დაღუნდარიძე არის 13 წლის უნიჭიერესი მომღერალი საქართველოდან. მას ძალიან უყვარს მუსიკა და უკრავს 5 ინსტრუმენტზე: ფანდური, სალამური, გიტარა, პიანინო და ჯემბეზე.

სალომე 4 თვის იყო, როდესაც დედამ გაიგო მისი სმენის პრობლემის შესახებ. 1 წლის ასაკში კი მას ჩაუტარდა კოხლეალური იმპლანტაცია, რამაც მთლიანად შეცვალა პატარა სალომეს ცხოვრება და მუსიკა მისი ცხოვრების განუყოფელი ნაწილი გახადა.

,,Beats of Cochlea” არის საერთაშორისო ფესტივალი, სადაც მსოფლიოს სხვადასხვა ქვეყნიდან ნიჭიერი კოხლეარული იმპლანტის მქონე ბავშვები და ზრდასრულები იღებენ მონაწილეობას. ფესტივალი 10 წელია ტარდება ვარშავაში და დატვირთულია უამრავი აქტივობით, რაც მონაწილეებს უდიდეს გამოცდილებას აძლევს.

ფესტივალზე მონაწილეები გაენცნენ ვარშავის ღირსშესანიშნაობებს, მოინახულეს ძველი ქალაქი, ულამაზესი პარკები, დააგემოვნეს ტრადიციული კერძები და ეზიარებ უცხო ქვეყნის კულტურას.
ფესტივალის განმავლობაში მიმდინარეობდა რეპეტიციები, რომელსაც ასევე ესწრებოდნენ პროფესიონალი მუსიკის თერაპევტები, რაც მონაწილეებისთვის დამატებითი გამოცდილება იყო.

პროექტის თითოეული დღე დატვირთული იყო უამრავი აქტივობით, მათ შორის მონაწილეები იყვნენ პოლონეთის რადიოში, სადაც შესანაშნივად ჩატარდა ჩაწერა.

ფესტივალის კულმინაცია იყო გალა კონცერტი 12 ივლისს, სადაც სალომემ უდიდესი მოწონონება დაიმსახურა საერთაშორისო ჟიურისა და სტუმრების მიერ.

სალომემ შეასრულა ქართული სიმღერების პოპური ფანდურზე, გიტარაზე და ასევე არაჩვეულებრივად შეასრულა სიმღერა, რამაც ნამდვილი აღფრთოვანება გამოიწვია დამსწრე საზოგადოებაში.