ფილმი – ,,ჩვენ გვესმის!”

წარმოგიდგენთ ფილმის  ,,ჩვენ გვესმის!” სრულ ვერსიას, ფილმის გადაღებების პროცესი მიმდინარეობდა რამდენიმე ქალაქში და მასში ჩართული იყვყვნენ კოხლეარული იმპლანტის მომხმარებლები, მათი მშობლები, ოჯახის წევრები, პედაგოგები. ფილმში ასევე იხილავთ ჯაფარიძე-ქევანიშვილის კლინიკის სპეციალისტებს, პროფესორებსა და ექიმებს, რომლებიც დეტალურად გადმოგვცემენ ოპერაციისა და პოსტოპერაციული პერიოდის შესახებ ინფორმაციას.

ძალიან ემოციური და ინფორმაციული ფილმის ,,ჩვენ გვესმის. თბილისი” გმირები გიამბობენ თავიანთ გასაოცარ ისტორიებს, მათ დაუბრუნდათ სმენა და აქვთ არაჩვეულებრივი შედეგები! ორი თავდადებული დედა გაგიზიარებთ მათი შვილების შედეგებს და საკუთარ გამოცდილებას. შეხვდებით სპეციალისტებს, რომლებიც ეხმარებიან სმენადაქვეითებულ პირებს ოპერაციისა და რეაბილიტაციის პერიოდში!

ფილმში გადმოცემული ოჯახური ისტორიები ნამდვილად გაათბობს თქვენს გულებს და თითოეულ მაყურებელს დაანახებს, რომ შეუძლებელია არაფერია! ფილმის მთავარი გმირები არიან რეზი ჩეკურიშვილი, სალომე დაღუნდარიძე და ნინო ჯავახიშვილი. სამივე მათგანმა სხვადასხვა გზა გაიარა საბოლოო შედეგის მიღებამდე და მათი ისტორიები სრულიან განსხვავდება ერთმანეთისაგან.

ფილმის პრემიერა შედგა Pullman Tbilisi Axis Towers-ში, პრემიერას ესწრებოდნენ მოწვეული სტუმრები, ექიმები, პროფესორები და რა თქმა უნდა ფილმის მონაწილეები, რომელთა ემოციებიც ფილმის მსვლელობისას ფასდაუდებელია და ნამდვილად ღირდა იმ შრომად რაც ამ ფილმშია ჩადებული

ფილმის მსვლელობისას შეუძლებელი იყო ცრემლების შეკავება და პრემიერას ემოცების გარეშე არ ჩაუვლია. ღონისძიების ბოლოს კი ფილმის მონაწილეები დააჯილდოვეს კომპანიებმა ,,ბარამბო” და ,,ღვინუკა”.

ეს ხალხი ნამდვილად გაგაოცებთ და მოგცემთ სტიმულს, რომ არასოდეს თქვათ უარი თქვენს ოცნებებზე და არასოდეს დანებდეთ!